Connect using Facebook

Infrared FitBall

Lýsing á hóptíma:

Infrared Fitball er rólegur en áhrifaríkur styrktartími án lóða. 


Tíminn er kenndur í innrauðum hita (38-40°) með góðri slökun og teygjum í lokin.


Unnið er með eigin líkamsþyngd, teygjur (mini bands teygjur og langar æfingateygjur) og stóran fitball bolta. Í tímanum er farið yfir fjölbreyttar æfingar fyrir allan líkamann en áhersla er lögð á að þjálfa og styrkja kjarnavöðva líkamans, "core", sem bætir líkamsstöðu, eykur jafnvægi og stuðlar að almennri vellíðan.

 

Hver og einn getur stjórnað sínu álagi með teygjunum en með því að nota teygjur í staðinn fyrir lóð höldum við góðri spennu í vöðvum með minni líkur á meiðslum.

 

Frábærir tímar fyrir byrjendur sem og lengra komna sem vilja auka styrk, bæta jafnvægi, líkamsstöðu og liðleika.


Tímarnir eru kenndir þriðjudaga, fimmtudaga og föstudaga kl. 17:30 í Faxafeni. 



Hvenær get ég skráð mig í tíma?

Skráning í tíma opnar 48 klst. áður en tíminn hefst.

Nauðsynlegt er að skrá sig í alla tíma. 

Hægt er að bóka sig í tímann þar til hann hefst. 

 

Ertu skráð/skráður í tíma en kemst síðan ekki?

Þá er mikilvægt að afskrá sig 1 klst áður en tíminn hefst. Eftir það er ekki hægt að afskrá sig. 

 

Lágmarksfjöldi

Lágmarksfjöldi skráninga er í öllum tímum nema morguntíma frá kl. 6-8 er ekki lágmarksfjöldi. 

Ef lágmarksfjöldi skráninga næst ekki þegar 1 klst er þar til tíminn hefst fellur tíminn niður. Ef hóptími fellur niður er send tilkynning með sms eða tölvupósti á þá sem eru skráðir. 

 

Hvað þýðir gulur og grænn?

Gulur tími þýðir að tíminn hefur ekki náð lágmarki eða ekki er búið að opna fyrir skráningu. 

Grænn tími þýðir að tíminn er orðinn virkur og verður kenndur!

Ávinningur

  • Æfingar fyrir allan líkamann
  • Styrkir vöðva með minni líkur á meiðslum
  • Eykur jafnvægi og liðleika
  • Bætir líkamsstöðu
  • Endurnærandi fyrir líkama og sál
  • Góð slökun